El conceyu Xixón del Bloque por Asturies espresa el so esmolecimientu polo qu`entiende una falta d`interés y voluntá, pela parte del Teatru Xovellanos, en respetar la toponimia oficial del nuesu Conceyu.Hai que recordar que n`Ochobre de 2006 un alcuerdu ente la Xunta de Toponimia deL Principáu y l`Ayuntamientu Xixón, afitó los nomes oficiales de barrios y parroquies del nuesu Conceyu. Pesie a ello, dalgunes empreses municipales, como nesti casu`l Teatru Xovellanos, vienen ninguneando esti alcuerdu, colo que tán incumpliendo la Llei no que se refier a toponimia de Xixón. Asina, esti branu pudimos ver nos distintos cartafueyos d`esta entidá, incumplimientos como`l que se refería a les fiestes en Ciares, Llorio y Cimavilla, refiriéndose a ellos como ´Ceares, Leorio y Cimadevilla´. Tamién nel barriu altu de la ciudá pudimos ver referencies a L`Atalaya como ´El cerro´, nel casu del Día d`Asturies en Xixón y una actividá de cine al aire llibre. Y otru casu, por nun citalos toos, ye`l que se refería a la Banda Música de ´Jove´, obviando que`l nome oficial de la parroquia ye XoveEl Bloque por Asturies en Xixón encamienta al Teatru Xovellanos y a les demás empreses municipales a respetar y facer respetar la Llei venceyada a la toponimia tradicional del Conceyu Xixón, yá que de poco sirven les lleis destinaes a la recuperación y normalización de la llingua asturiana si dempués nun se ponen en práctica pela parte de les instituciones.
No hay comentarios:
Publicar un comentario