El Comercio.El oficiante de la misa de San Pedro nel Muséu del Pueblu d'Asturies defende la ceremonia n'asturianu.
«¡Qué poca xente con montera picona!», llamentóse namá empezar la ceremonia, de pies tres un altar decoráu cola bandera d'Asturies. José Ramón García, el párrocu llegáu dende Villaviciosa pa oficiar nel Muséu del Pueblu d'Asturies la misa incluyida nos actos de la romería de San Pedro, amosó ayeri, col tendayu como púlpitu, una firme defensa del folclore y la llingua asturiana, empezando pola so propiu casa: «Por dar la misa n'asturianu, tamos actuando illegalmente según los cánones de la Ilesia católica. ¡Cómo si Divos nun entendiera toles llingües!». Entá asina, celebróla n'asturianu, como taba previstu, y partió ente'l centenar de fieles qu'allegaron a la temprana cita trípticos cola oportuna traducción de caúna de les oraciones que se diben a rezar, pa evitar que daquién se perdiera.El so convencimientu paeció reforzase cola elección, como una de les llectures de la mañana, del capítulu del llibru de los Fechos de los Apóstoles referente al Pentecostés: «Toos quedaron llenos del Espíritu Santu, y empezaron a falar en distintes llingües, según l'Espíritu dexába-yos espresase». Y anque almitió la so atracción por celebraciones andaluces como la Rosada, llamentó ver «cómo agora en -yos aldees asturianes faise la Feria d'Abril y visten a los neños d'andaluz. ¡Que nun vengan a imponenos esi cueses a los asturianos! Esto que lo faigan ellí, y non los babayos de Caborana, Infiestu, Xixón y Uviéu». Nesti sentíu, llamentó la falta d'implicación n'Asturies en favor de les tradiciones propies. «El catalanes nun s'avergoñen de llevar una media na cabeza», señaló aludiendo a la escasez de traxes rexonales, que se llindaben a los miembros de los grupos folclóricos que participaron nos distintos actos de la romería. Pidió amás que «nun faigamos de esto -en referencia a la celebración d'ayeri- un actu más d'un muséu; la misa y el folclore asturianu hai que vivilos de corazón». La romería de San Pedro nel Muséu del Pueblu d'Asturies cuntó dende primer hora de la mañana con un mercáu asturianu con puestos nos que podía vese trabayando en vivu a los artesanos -torneros, ferreiros, madreñeros- colos métodos más tradicionales. Sofitos a Pepe'l Ferreiro Asina, mientres nuna esquina un gran fuelle avivaba'l caricote pa trabayar el metal, n'otra un alfareru xiraba a gran velocidá'l so tornu a fuerza de pedal. Dellos de los puestos amosaben grandes cartelos y pegatinas en solidaridá con Pepe'l Ferreiro. Hubo amás un desfile de xigantes y cabezudos amenizado con gaita, tambor y acordión, una pequeña procesión cola imaxe de San Pedro, una puya del ramu, xuegos tradicionales pa los neños, teatru de guiñoles, un concursu de baille tradicional y, yá a última hora, la quema d'una foguera.
